Hátíðarhvíld með Aldísi Sigríði mánudagskvöldið 29. des kl. 19.30 - 21.15.
Veturinn er tíminn til að staldra við, varðveita orku og finna djúpa ró.
Á þessum árstíma eykst oft spenna og stress í samfélaginu, sérstaklega í aðdraganda hátíðanna, sem getur farið þvert á móti náttúrulega takt vetrartiðar.
Í þessari samveru sköpum við mjúkt skjól þar sem taugakerfið fær að róast og hugur og líkami fær að sökkva inn í hvíld og kyrrð. Við notumst við fræði austurlanda sem hjálpar okkur að leysa upp staðnaða orku og bráðna inn í mildi, mýkt og hlýju. Að auki munu allir sem vilja fá svokölluð eyrnafræ (ear seeds), sem notuð eru í kínverskum lækningum til að örva ákveðna nálastungupunkta og hvetja til ró, hjarta tengingar og innri jafnvægis.
Viðburðurinn inniheldur:
• Stutt spjall um næringu yfir Veturtið samkvæmt kínverskum fræðum
• Qigong og Yin jóga
• 100% hreint kakó og/eða chai-te með nærandi jurtum fyrir vetrartímann
• Djúpslökun
• Eyrnafræ - Ear seeds
• Tónheilun með ljúfum tónskalum.
—-------------
Qigong er fornt austurlenskt heilsukerfi sem byggir á mildri sjálfsheilun. Unnið er með hægar, flæðandi hreyfingar í takt við öndun sem eru endurteknar nokkrum sinnum. Þannig kemst líkaminn í hreyfandi hugleiðsluástand.
Yin jóga er stundað í liggjandi eða sitjandi stöðum og hver staða er yfirleitt haldin í um þrjár mínútur í senn. Þetta veitir líkamanum rými til að losa uppsafnaða spennu og stirðleika í lið- og bandvefjum.
Qigong og Yin jóga opna bæði fyrir orkuflæði, losa um óþarfa stífleika og orkustíflur. Hver hreyfing og staða hefur sína einstöku virkni og stuðlar að betri heilsu og þar af leiðandi aukinni orku og dýpri tengingu við líkama, huga og sál.
Um Aldísi
Aldís er nálastungufræðingur (BSc), Qigong-kennari, jógakennari og tónheilari. Hún hefur einnig aflað sér þekkingar hjá fjölbreyttum kennurum víðs vegar að og fléttar það sem við á inn í kennsluna hverju sinni. Aldís leggur ríka áherslu á sjálfstengingu, sjálfsást, mildi og heilsu í kennslu og meðferðum sínum. Að auki er hún menntuð í gongspilun, tónskálum, Yin jóga, meðgöngujóga og doulafræðum.
Nánar um Aldísi: aldisqiflow.com
Verð: 7900