Kvenna-Breathwork & Vision Board // 14. ágúst
Kvenna-Breathwork & Vision Board // 14. ágúst
  • Load image into Gallery viewer, Kvenna-Breathwork & Vision Board // 14. ágúst
  • Load image into Gallery viewer, Kvenna-Breathwork & Vision Board // 14. ágúst

Kvenna-Breathwork & Vision Board // 14. ágúst

Regular price
8.500 kr
Sale price
8.500 kr
Regular price
Sold out
Unit price
per 
Tax included.

Kvenna-Breathwork & Vision Board // Sunnudaginn 14. ágúst frá kl. 14-18.
Sumarið er tíminn og allt það, en nú nálgast haustið með sinni gjöfulu uppskeru og mögulega meiri reglufestu og rútínu. Áður en haustið hefst er tilvalið til að hlusta inn á við og velja það sem við sannarlega viljum, þ.e. að velja áherslu í hugsun og gjörðum sem leiða okkur þangað sem okkur langar að fara.

Við ætlum að nýta þessa samveru til þess að vinna með það sem vísindin kalla "the Imaginal Cells". Í fiðrildalifrunni eru óvirkar frumur sem vita hvað framtíðin ber í skauti sér - og þegar þær virkjast fer hið magnaða umbreytingarferli af stað og þessar frumur leiða ferlið.

Með Shamanic Breathwork getum við stillt okkur inn á komandi tíma, losað um það sem ekki þjónar lengur, fengið dýpri skilning á tilverunni og tengt við innsæið okkar.
Eftir öndunar-ferðalagið mun hver og ein búa til sitt eigið "Vision Board", með því að klippa út liti, form og orð úr tímaritum og blöðum sem verða á staðnum og líma klippurnar á plagg á sinn einstaka hátt. Þetta tjáform skapar rými fyrir ýmislegt sem kemur ekki endilega fram við skrif, samtöl eða teikningar, og getur útkoman reynst dýrmætt landakort fyrir komandi leiðangra lífsins. Það getur líka hjálpað við að skerpa á gildunum okkar, forgangsröðun og innri sannleika.

Þér er hjartanlega velkomið að koma með þitt eigið útklippiefni með sér, ef þú rekst á eitthvað sem veitir innblástur og þú tengir við.

Um Shamanic Breathwork:
Shamanic Breathwork er áhrifarík iðkun þar sem öll tjáning líkamans er velkomin. Með einfaldri en kröftugri hringöndun, og tónlist sem er stillt inn á orkustöðvar líkamans, opnar aðferðin möguleikann fyrir þátttakandann að uppgötva sitt innra landslag með því að opna inn á víðari stig meðvitundarinnar og þar með eigin getu til heilunar og umbreytingar - á andlegu, huglægu, tilfinningalegu og líkamlegu sviði.

Við tengjum við okkar innri visku og sleppum taki af því sem þjónar ekki lengur. Þannig öðlumst við meiri skýrleika og orku, sem veitir aukinn styrk til að taka fullan þátt í lífi okkar á virkan og meðvitaðan hátt.

Sumir hlæja. Sumir gráta. Sumir opna inn í ástand djúprar og umbreytandi hugleiðslu. Upplifun hvers og eins er ólík og hver reynsla er einstök. Í hvert skipti sem þú mætir til leiks tekur ferlið þig nákvæmlega þangað sem þú þarft að fara.


Engin reynsla nauðsynleg. Eina sem þarf til er áhugi og löngun til umbreytinga. Komdu nákvæmlega eins og þú ert.


Einungis 12 pláss
Létt nasl í boði
Verð: 8.500 kr.


Klæðnaður og annað til að taka með:
*Mjúkur og þægilegur klæðnaður
*Vatnsbrúsi
*Augngríma (eyemask), ef vill
*Dagbók & penni, ef vill


Mikilvægt að mæta tímanlega.

Gott að miða við að borða ekki þunga máltíð 2 klst fyrir viðburð.


Um leiðbeinandann, Áróru:
Ég hef verið á miklu ferðalagi umbreytinga síðustu árin. Ég ólst upp sem hálfgert villibarn í Arnarfirði á Vestfjörðum, í djúpri tengingu við náttúruna og dýrin. Það var mér mikið áfall að flytja úr sveitinni í borgina þegar ég var 8 ára gömul og smátt og smátt missti ég tengingu við minn innri sannleika. Ég setti alla mína orku í að standa mig vel, gera eins og umhverfið hvatti til og stóð mig með framúrskarandi hætti í skóla, íþróttum og vinnu. Sama hvað ég tók mér fyrir hendur - þá þurfti ég alltaf að gera aðeins betur!Eftir að hafa menntað mig sem heilbrigðisverkfræðingur og unnið við vöruhönnun hjá Össuri í nokkur ár lenti ég á vegg vorið 2015. Ég var búin að uppfylla alla mína drauma en var algjörlega niðurbrotin og hafði aldrei verið óhamingjusamari. Ég áttaði mig á að lífið sem ég var að lifa var alls ekki að virka fyrir mig, ég þurfti að breyta til og finna út hvað það væri sem ég virkilega vildi. ,,Hver er ég? Hvað er það sem veitir mér innblástur? Hvað sannarlega skiptir mig máli? Hvað þýðir það að lifa hamingjusömu og innihaldsríku lífi?”
Ég hóf leiðangurinn á því að fara í yogakennaranám hjá Ástu Arnardóttur í Yogavin, sem var ómetanleg reynsla á þessum tímamótum. Stuttu eftir útskrift fór ég í framhalds yogakennaranám hjá Julie Martin á Indlandi. Ég kenndi yoga í Yogavin í 5 ár. Einnig hef ég kennt yoga og hugleiðslu fyrir unglinga í grunnskóla, starfsfólk Forsætisráðuneytisins, Hagstofu Íslands, tekið að mér kennslu á ýmsum retreat námskeiðum, o.fl. Ýmsar aðferðir og réttindi hafa bæst í verkfæratöskuna síðustu árin, s.s. markþjálfun, yoga nidra djúpslökun, tilfinningavinna o.fl.
Shamanic Breathwork umbreytti lífi mínu á áhrifaríkan hátt. Ég lauk kennararéttindum sem Shamanic Breathwork leiðbeinandi á vordögum 2019, hjá Venus Rising Association for Transformation. Ég jók svo reynsluna og tók Master Practicioner réttindi síðar sama ár, og nýt þess til að deila töfrunum með öðrum. Nú starfa ég sem kennari í sjálfeflingu og sjálfsrækt í framhaldsskóla og forstöðukona sumarbúða fyrir stúlkur.
VELKOMIN <3