HAUST * ELDATHÖFN

með KONUM í náttúrunni

laugardaginn 5.október 15-17

________________________________________

Hjartanlega velkomnar í athöfn úti í náttúrunni, í litadýrð haustsins:

Eldathöfn & kakóserimónía í skjóli trjánna. 

Laugardaginn 5.október kl. 15 hittumst við milli fjalla í Mosfellssveit. Við hefjum ævintýrið á léttri & stuttri göngu að fallegu rjóðri í haustlitadýrð, sitjumst við eldstæðið & tendrum eldinn. Við byrjum á kakóathöfn: Tengjumst hjartanu, hugleiðum, opnum röddina, hlustum á náttúruna, fáum rými til að finna okkur dýpra. Þaðan förum við inn í ritúalið með eldinum, HAUST athöfn. 

Viltu vera með? ❤️

verð: 5900

Staðsetning send með tölvupósti vikuna fyrir.

Skráning hér

Með tilhlökkun,

María Carrasco & Móar 

________________________________________

María Carrasco leiðir stundina:

María er sjúkraþjálfari, dansari, jóga nidra kennari (Yoga Nidra Network) & doula (Mama Bamba doula & soula), hún er með menntun í höfuðbeina - og spjaldhryggjarmeðferð (Upledger) & tónheilun (Acutonics). Hún hefur mikla ástríðu fyrir því að halda viðburði & serimóníur fyrir fólk að dýpka tengslin við sjálft sig, hvort annað & náttúruna. Þar leggur hún áherslu á að leiða fólk inn á við og efla tenginguna við sig sjálft með hugleiðslu, djúpslökun & hreyfingu. María hefur leitt konuhringi, dans viðburði og serimóníur frá 2018 og starfað í Móum stúdíó frá 2021. Hún heldur utan um og býður upp á viðburðaröðina Konur í Náttúrunni í samstarfi við Móa.

KONUR í náttúrunni er lifandi viðburðaröð sem slær í takt við árstíðir & náttúru landsins: Serimóníur,  ævintýri úti í móa, í nánd við jörðina & fossana, svitahof & sjóböð, í nærandi samveru með konum, ræktandi innri tengingu, frelsi & sambandið við jörðina. Hugmyndin kviknaði árið 2022 hjá Maríu Carrasco & Láru Rúnarsdóttur og hafa þær haldið úti ýmsum formum af viðburðum, ævintýrum & námskeiðum með konum í náttúrunni.